Xogo de reflexividades: a antropoloxía como aliada para repensar a interpretación social

Autores/as

  • Cristina Marey-Castro Universidade de Vigo

##plugins.pubIds.doi.readerDisplayName##:

https://doi.org/10.35869/viceversa.v0i21.3462

Palabras clave:

interpretación social, antropoloxía social, reflexividade, transferencia, contratansferencia

Resumo

Nunha investigación anterior1, propuxérame reflexionar sobre o que acontece cos prexuízos na interpretación social, en particular en contextos estigmatizados como as situacións de violencia de xénero e as situacións de prostitución. Para iso, valérame de fontes documentais que proviñan dos estudos da interpretación e do campo da psicoterapia, no que dera con algúns conceptos que me permitiran nomear certos procesos que, dende o meu punto de vista, se poñen en xogo no encontro entre as intérpretes e as persoas interpretadas. Ora ben, malia que non desboto a utilidade dese enfoque nun primeiro achegamento, o obxectivo desta proposta é moverse dese marco e suxerir a antropoloxía social como un campo do que botar man para analizar as experiencias da interpretación sen perder o eixe da estrutura social e da axencia das persoas interpretadas. A través do diálogo multidisciplinario con fontes documentais e con estudos da antropoloxía social, dos estudos da interpretación e da tradución e da socioloxía, propoño a reflexividade (Guber, 2001, 2004 [1991]) como unha categoría frutífera a partir da que pensar as interaccións na interpretación social, un labor antropolóxico.

##plugins.generic.usageStats.downloads##

##plugins.generic.usageStats.noStats##

Descargas

Publicada

2021-04-13

Número

Sección

Teoría e Historia da tradución